ავსტრალია

ავსტრალია

ავსტრალია

ავსტრალია

ფართობი – 7,6 მლნ კვ. კმ.
მოსახლეობა – 22,9 მლნ კაცი (2013 წ.)
დედაქალაქი – კანბერა
ფულადი ერთეული – ავსტრალიური დოლარი (more…)

სამხრეთ აფრიკის რესპუბლიკა

სამხრეთ აფრიკის

სამხრეთ აფრიკის

სამხრეთ აფრიკის რესპუბლიკა

ფართობი – 1,2 მლნ კვ. კმ.
მოსახლეობა – 52 მლნ კაცი (2011 წ.)
დედაქალაქი – პრეტორია (ადმინისტრაციული), კეიპტაუნი (საკანონმდებლო), ბლუმფონტეინი (სასამართლო).
ფულადი ერთეული – სამხრეთ აფრიკული რანდი.

გეოგრაფიული მდებარეობა და ბუნება:
სარ-ი აფრიკის კონტინენტის სამხრეთ ნაწილში მდებარეობს. მას ფართო გასასვლელი აქვს როგორც ინდოეთის, ასევე ატლანტის ოკეანეში.

სარ-ს განსაკუთრებული ეკონომიკურ-გეოგრაფიული და სტრატეგიული მდებარეობა უკავია სამხრეთ ნახევარსფეროში.

ქვეყანა ალმასის, ოქროს, პლატინის, სურმის, რკინის მადნი, მაგანუმის მარაგითა და მათი მოპოვებით მსოფლიოში მოწინავე პოზიციებს იკავებს.

ქვეყნის უმაღლესი მწვერვალი ქათქინ-პიკია (3 659 მ).

უმნიშვნელოვანეს მდინარეებს განეკუთვნება ორანჟი, რომლის სიგრძეც 2200 კმ-ია. აღსანიშნავია ასევე მდინარეები: ლიმპოპო, გრეით-ფიში, თუგელა, გრეით-ქეი.

მოსახლეობა:

სამხრეთ აფრიკის რესპუბლიკა მოსახლეობის რაოდენობით მესამე ქვეყანაა კონტინენტზე. ქვეყნის ტერიტორიაზე უძველესი დროიდან ცხოვრობენ ჰოტენტოტები, ბუშმენები და ბანტუს ხალხები.  XVII საუკუნის დასაწყისიდან აქ ჰოლანდიელები და ბრიტანელები გამოჩნდნენ.

სარ-ში მოსახლეობის საშუალო სიმჭიდროვე შეადგენს 41 კაცს 1 კვ.კმ-ზე.

სარ-ი კონტინენტის ყველაზე მაღალურბანიზებული სახელმწიფოა. ქალაქებში 60,7% ცხოვრობს, მათ შორის, მთელი “თეთრი” მოსახლეობის 85-87%.

სახელმწიფო წყობილება:

სამხრეთ აფრიკის კავშირი 1910 წლის 31 მაისს ორი ბრიტანული კოლონიისა და ბურების ორი სახელმწიფოს გაერთიანების შედეგად ბრიტანეთის დომინიონის სტატუსით შეიქმნა.

გასული საუკუნის 40-იან წლებში სამხრეთ აფრიკის ხელისუფლების სათავეში ეროვნული პარტია მოვიდა, რომელიც ძირითადად აპარტეიდის პოლიტიკას ატარებდა. 1961 წელს სამხრეთ აფრიკის კავშირი რესპუბლიკა გახდა და მთავრობის პოლიტიკური კურსის გამო თანამეგობრობა დატოვა.

1994 წელს ქვეყანაში არარასობრივი საპრეზიდენტო და საპარლამენტო არჩევნები ჩატარდა; შეიცვალა ქვეყნის საერთაშორისო მდგომარეობაც: აღდგა მისი ადგილი თანამეგობრობაში.

ქვეყანაში 1996 წელს მიღებული კონსტიტუცია მოქმედებს. სახელმწიფოსა და მთავრობის მეთაურია პრეზიდენტი, რომელსაც ეროვნულ ასამბლეაზე ხუთი წლის ვადით ირჩევენ. 1994 წელს ქვეყნის პირველი არარასობრივი არჩევნების შედეგად სარ-ის პრეზიდენტი ნელსონ მანდელა გახდა.

ქვეყნის უმაღლესი ორგანოა პარლამენტი, რომელსაც 5 წლის ვადით ირჩევენ.

სამხრეთ აფრიკის რესპუბლიკის პარლამენტის შენობა კეიპტაუნში, ხოლო სამთავრობო რეზიდენცია პრეტორიაში მდებარეობს.

ეკონომიკა:

თანამედროვე ეკონომიკური მდგომარეობით სამხრეთ აფრიკის რესპუბლიკა აფრიკის კონტინენტის ყველაზე განვითარებული სახელმწიფოა. ეკონომიკური პოტენციალით ქვეყანა კონტინენტზე პირველია და მასზე მთელი კონტინენტის სამრეწველო წარმოების 40% მოდის.

ქვეყნის ეკონომიკურ ცხოვრებაში განსაკუთრებულ როლს თამაშობს უცხოური კაპიტალი, სადაც აღსანიშნავია ბრიტანული, ამერიკული, გერმანული და იაპონური პოზიციები.

მშპ-ის საერთო მოცულობით სარ-ი 28-ე ქვეყანაა მსოფლიოში და პირველი აფრიკის კონტინენტზე. მშპ-ის უდიდედი ნაწილს (66%) მომსახურების სფერო ქმნის.

პრეტორია:

პრეტორია ქვეყნის ერთ-ერთი დედაქალაქია და ქვეყნის ჩრდილო-აღმოსავლეთით, მდ. აპისზე, ზ. დ-დან 1200 მ სიმაღლეზე მდებარეობს. ქალაქი 1855 წელს პოლიტიკოსმა მარტინუს პრეტორიუსმა დაარსა. 1910 წლიდან კი ქვეყნის დედაქალაქია.

ქალაქის ისტორიულ ცენტრად ქერქპლათსი მიიჩნევა. აქ მდებარეობს სახელისუფლო ორგანოები, მათ შორის პრეზიდენტის რეზიდენცია.

გამოყენებული ლიტერატურა:

1. ბლიაძე მაია, ჭანტურია გია, დავით კერესელიძე. “გეოგრაფია – თეორიული კურსი აბიტურიენტებისათვის”. ბაკურ სულაკაურის გამომცემლობა. 2013 წ.

თქვენი online რეპეტიტორი

ჩინეთის სახალხო რესპუბლიკა

ჩინეთის სახალხო რესპუბლიკა

ჩინეთის სახალხო რესპუბლიკა

ფართობი – 9,6 მლნ კვ. კმ.
მოსახლეობა – 1 მილიარდ 354 მლნ კაცი (2011 წ.)
დედაქალაქი – ბეიჯინგი (პეკინი)
ფულადი ერთეული – იუანი

გეოგრაფიული მდებარეობა და ბუნება:

ფართობის მიხედვით ჩინეთი მეოთხე ქვეყანაა მსოფლიოში და ხმელეთის დაახლოებით 7%-ს იკავებს. მას სახმელეთო საზღვარი 14 ქვეყანასთან აქვს და ასევე ფართო გასასვლელი გააჩნია მსოფლიო ოკეანეში. ჩინეთის კუთვნილ კუნძულთა შორის ფართობით უდიდესია ჰაინინი (34 ათასი კვ. კმ).

ჩინეთში აღსანიშნავია მსოფლიოში უმაღლესი ტიბეტის მთიანეთი. ნეპალთან სასაზღვრო რაიონში მდებარეობს მსოფლიოს უმაღლესი მწვერვალი ჯომოლუნგმა (8848 მ).
ჩინეთში მიედინება აზიის ორი უდიდესი მდინარე. ქვეყნის უგრძესი მდინარეა იანძი (6,3 ათასი კმ). მრავლად არის ტბები, რომელთა შორის უდიდესია კუკუნორი (ცინხაი, 4583 კვ.კმ).

მოსახლეობა:

ჩინეთი მოსახლეობის მხრივ პირველი ქვეყანაა მსოფლიოში. აქ მსოფლიო მოსახლეობის 23% ცხოვრობს. მოსახლეობა ძალზე არათანაბრად არის განსახლებული. მოსახლეობის საშუალო სიმჭიდროვე 1 კვ.კმ-ზე 139 კაცს შეადგენს.

მოსახლეობის 93% ჩინელია (ხანები). აქ სულ 56 სხვადასხვა ერის წარმომადგენელი ცხოვრობს.
ქალაქებში მოსახლეობის 33%-ია კონცენტრირებული.

რელიგიებიდან ყველაზე მეტად გავრცელებულია ბუდიზმი, დაოიზმი, კონფუციანიზმი.

ჩინეთის სახელმწიფო წყობილება:

ჩინეთი მსოფლიოს ერთ-ერთი უძველესი ქვეყანაა. XVII-დან XX საუკუნის დასაწყისამდე ქვეყანას ცინების დინასტია მართავდა, რომელიც 1911-1913 წლების რევოლუციის შედეგად დაემხო და ჩინეთი რესპუბლიკად გამოცხადდა.

1949 წლიდან ჩინეთი კომუნისტური ქვეყანაა. იგი ერთ-ერთი უდიდესი ქვეყანაა თავისი შრომითI რესურსებით, ეკონომიკური და სამხედრო პოტენციით. ქვეყანა გაეროს უშიშროების საბჭოს მუდმივი წევრი და ატომური იარაღის მფლობელია.

ჩინეთის სახელმწიფოს მეთაურია ჩინეთის სახალხო რესპუბლიკის თავმჯდომარე, რომელსაც ირჩევენ 5 წლის ვადით. ქვეყნის მთავრობის სათავეში პრემიერ-მინისტრია. უმაღლეს საკანონმდებლო ორგანოს სრულიად ჩინეთის სახალხო წარმომადგენელთა კრება წარმოადგენს, რომელსაც ყოველ ხუთ წელიწადში ერთხელ 2979 დეპუტატის შემადგენლობით ირჩევენ.

ქვეყანაში 1982 წელს მიღებული კონსტიტუცია მოქმედებს. ქვეყნის ეროვნული დღესასწაულია 1 ოქტომბერი.

პოლიტიკურ-ადმინისტრაციული თვალსაზრისით, ჩინეთI 22 პროვინციად, 5 ავტონომიურ რაიონად, ცენტრალური დაქვემდებარების 4 ქალაქად და ორ სპეციალურ ადმინისტრაციულ რაიოანად იყოფა.

1997 წელს ჩინეთს ბრიტანეთის ყოფილი კოლონია – ჰონგკონგი დაუბრუნდა. 1999 წელს ჩინეთმა ასევე აღადგინა თავისი სუვერენიტეტი პორტუგალიის კოლონია მაკაოზე.

ეკონომიკა:

ჩინეთი უმსხვილესი ინდუსტრიულ-აგრარული ქვეყანაა. მშპ-ის საერთო მოცულობით იგი მეორე ქვეყანაა მსოფლიოში, თუმცა მშპ-ის ერთ სულ მოსახლეზე გაანგარიშებით, იგი მსოფლიოს პირველი 50 ქვეყნის სიაშიც კი არ შედის (94 ადგილი მსოფლიოში). მშპ-ს საშუალო წლიური ზრდის ტემპი 11%-ს შეადგენს და ყველაზე მაღალია მთელ მსოფლიოში.

ჩინეთის ეკონომიკური სისტემის თავისებურება იმაში მდგომარეობს, რომ იგი საბაზრო ეკონომიკის პირობებით კომუნისტური პარტიის კონტროლის ქვეშ ვითარდება.

ბეიჯინგი:

ჩინეთის დედაქალაქი ჩინეთის დიდი ვაკის ჩრდილოეთით, ყვითელი ზღვის ნაპირებიდან 160 კმ-ის მოშორებით მდებარეობს.  ქალაქი ცზის სახელით დაახლოებით 3 ათასი წლის წინ დაარსდა. 1421 წლიდან იგი ქვეყნის, ხოლო 1949 წლიდან უკვე ჩინეთის სახალხო რესპუბლიკის დედაქალაქია.

ბეიჯინგის ღირსშესანიშნაობებიდან აღსანიშნავია: გუგუნის მუზეუმი, ცის ტაძარი, ტიანანმინის მოედანი, ბეიჰანის პარკი და ა.შ.

გამოყენებული ლიტერატურა:

1. ბლიაძე მაია, ჭანტურია გია, დავით კერესელიძე. “გეოგრაფია – თეორიული კურსი აბიტურიენტებისათვის”. ბაკურ სულაკაურის გამომცემლობა. 2013 წ.

თქვენი online რეპეტიტორი

გერმანია

გერმანია

გერმანია

ფართობი – 356,9 ათასი კვ.კმ
მოსახლეობა – 81,7 მლნ. კაცი (2010 წ.)
დედაქალაქი – ბერლინი
ფულადი ერთეული – ევრო

გეოგრაფიული მდებარეობა და ბუნება:

გერმანია ევროპის ცენტრში მდებარეობს. მას ცხრა სახმელეთო მეზობელი ჰყავს და რო ზღვაზე აქვს გასასვლელი. ფართობის მხრივ იგი მეექვსე ქვეყანაა ევროპაში.
ქვეყნის გეოპოლიტიკური მდებარეობა XX საუკუნეში არაერთხელ შეიცვალა. გერმანიის ტერიტორიამ დღევანდელი სახე 1990 წლის 3 ოქტომბერს მიიღო.

გერმანიის რელიეფში ოთხი რეგიონი გამოირჩევა, რომლებიც ჩრდილოეთიდან სამხრეთის მიმართულებით თანდათან მაღლდება: ჩრდილოეთ გერმანიის დაბლობი, საშუალო სიმაღლის მთები, შვაბრია – ბავარიის პლატო და ალპები.

=> საინტერესოა მდინარე

ბავარიის ალპებში მდებარეობს გერმანიის უმაღლესი მწვერვალი ცუგშპიგე (2963 მ).

გერმანიის უგრძესი მდინარეა რაინი (გერმანიის ტერიტორიაზე 865 კმ).

უდიდესი ტბაა – ბოდენის ტბა, რომელსაც გერმანია შვეიცარაიასა და ავსტრიასთან იყოფს.

მოსახლეობა:

მოსახლეობის რაოდენობით გერმანია მეორე ქვეყანაა ევროპაში და პირველი – ევროკავშირი. გერმანელები მთელი მოსახელობის 94%-ს შეადგენენ. ქვეყანაში 7,8 მილიონი უცხოელი (ძირითადად თურქები, იტალიელები, ბერძნები, ხორვატები) ცხოვრობს.

გერმანია მსოფლიოში ერთ-ერთი ყველაზე მჭიდროდ დასახლებული ქვეყანაა. საშუაო სიმჭიდროვე შეადგენს 228 კაცს 1 კვ.კმ-ზე. მოსახლეობა ქვეყნის ტერიტორიაზე არათანაბრადაა განლაგებული. ყველაზე მჭიდროდაა დასახლებული ჩრდილოეთ-რაინ-ვესტფალია.

=> საინტერესოა ქვეყნების კლასიფიკაცია

გერმანული ენა ინდოევროპული ოჯახის გერმანულ ჯგუფს განეკუთვნება. დღეისათვის ამ ენაზე 100 მილიონზე მეტი კაცი ლაპარაკობს. გერმანული ენა სახელმწიფო ენაა ასევე ავსტრიაში, ლიხტენშტეინში, შვეიცარიაში, ლუქსემბურგში. გერმანულად ლაპარაკობენ სამხრეთ ტიროლში, ასევე ბელგიასა და საფრანგეთის (ელზასი) ზოგიერთ რეგიონში.

გერმანიის სახელმწიფო წყობილება:

გერმანია ფედერაციული მმართველობის საპარლამენტო რესპუბლიკაა. ქვეყნის ეროვნული დღესასწაულია 3 ოქტომბერი, გერმანიის გაერთიანების დღე (1990 წ.).

გერმანიაში 1949 წლის კონსტიტუცია მოქმედებს, რომლის ძალითაც პრეზიდენტს ფედერალურ კრებაზე 5 წლით ირჩევენ (პრეზიდენტის რეზიდენცია, ბელვიუს სასახლე, ბერლინში). ერთი და იმავე პიროვნების არჩევა შესაძლებელია ორი ვადით. პარლამენტს – ბუნდესტაგს, რეზიდენცია აქვს რაიხსტაგში, ბერლინში.
496 დეპუტატის შემადგენლობით 4 წლის ვადით ირჩევენ.
ქვეყნის მთავრობის მეთაურია კანცლერი.

ეკონომიკა:

თანამედროვე გერმანია პოსტინდუსტრიული ქვეუანაა. მშპ-ის საერთო მოცულობით იგი მეოთხე ქვეყანაა მსოფლიოში და პირველი – ევროპაში. მშპ-ის უდიდეს წილს მომსახურების სფერო და მრეწველობის დარგები აყალიბებს. განვითარების მაღალი მაჩვენებლებით გამოირჩევა აგრობიზნესიც. გერმანული წარმოების საქონელი მაღალკონკურენტუნარიანია და მსოფლიო ბაზარზე მასზე მოთხოვნა ყოველთვის დიდია.

=> გამოსცადეთ საკუთარი ცოდნა: ტესტები გეოგრაფიაში

ქვეყნის განათლების სისტემა ერთ-ერთი ყველაზე სრულყოფილია მსოფლიოში. გერმანიის უძველესი უნივერსიტეტია ჰაიდელბერგის უნივერსიტეტი, რომელიც 1386 წელს დაარსდა. ტურიზმის უდიდესი ცენტრებია ბერლინი და ბავარია.

მაღალ დონეზეა განვითარებული სამხედრო ინდუსტრია, კვებისა და მსუბუქი მრეწველობის დარგები.

სასოფლო-სამეურნეო პროდუქციის წარმოების მხრივ, გერმანია მეორე ქვეყანაა ევროკავშირში საფრანგეთის შემდეგ.

გერმანიის უდიდესი სავაჭრო პარტნიორები არიან: ევროპის ქვეყნები და აშშ, ასევე ჩინეთი და რუსეთი.

ბერლინი:

1991 წლის ივნისში გერმანიის პარლამენტის გადაწყვეტილებით ბერლინი ერთიანი გერმანიის დედაქალაქად გამოცხადდა. ისტორიულ წყაროებში იგი პირველად XIII საუკუნის 30-იან წლებიდან მოიხსენიება. 1701-1871 წლებში იგი პრუსიის, ხოლო 1811-1945 წლებში გერმანიის დედაქალაქია. მეორე მსოფლიო ომის შემდეგ ბერლინი მოკავშირეთა მიერ ოთხ ნაწილად გაიყო: აღმოსავლეთ ბერლინი გახდა გდრ-ს დედაქალაქი, დასავლეთ ბერლინი (ბრიტანეთის, საფრანგეთისა და აშშ სექტორები) – გფრ-ის ადმინისტრაციული ცენტრი.

1994 წელს აქ გადმოტანილი იქნა პრეზიდენტის რეზიდენცია. 2000 წელს გაიხსნა გერმანიის ბუნდესტაგის შენობა (ბრიტანელი არქიტექტორის სერ ნორმან ფოსთერის პროექტით რეკონსტრუირებულ იქნა რაიხსტაგის შენობა), რომლის ირგვლივაც სპეციალური სამთავრობო რაიონი ჩამოყალიბდა.

ქალაქის მმართველობას სათავეში უდგას ბურგომისტრი და 8 სენატორი.

გამოყენებული ლიტერატურა:

1. ბლიაძე მაია, ჭანტურია გია, დავით კერესელიძე. “გეოგრაფია – თეორიული კურსი აბიტურიენტებისათვის”. ბაკურ სულაკაურის გამომცემლობა. 2013 წ.

თქვენი online რეპეტიტორი

გაერთიანებული სამეფო

გაერთიანებული სამეფო

გაერთიანებული სამეფო

ფართობი – 242,5 ათასი კვ.კმ
მოსახლეობა – 63,1 მლნ. კაცი (2011 წ.)
დედაქალაქი – ლონდონი
ფულადი ერთეული – გირვანქა სტერლინგი (more…)

ამერიკის შეერთებული შტატები

ამერიკის შეერთებული შტატები

ამერიკის შეერთებული შტატები

ფართობი – 9,3 მლნ კვ.კმ
მოსახლეობა – 315,5 მლნ კაცი (2012 წ.)
დედაქალაქი – ვაშინგტონი
ფულადი ერთეული – დოლარი

გეოგრაფიული მდებარეობა და ბუნება:

აშშ-ს უდიდესი ნაწილი ჩრდილოეთ ამერიკის კონტინენტზე მდებარეობას. აშშ სამი ნაწილისაგან შედგეება: ა) ქვეყნის ძირითადი ტერიტორია, რომელიც ჩრდილოეთ ამერიკის ცენტრალურ ნაწილის იკავებს. აქ მდებარეობს 48 შტატი.
ბ) ალასკა, რომელიც ჩრდილოეთ ამერიკის ჩრდილო-დასავლეთით მდებარეობს. ალასკა აშშ-მა 1867 წელს რუსეთისგან იყიდა და მას შემდეგ მის კუთვნილებაშია. შტატის სტატუსი კი 1959 წელს მიიღო.
გ) ჰავაის კუნძულები, რომელიც წყნარი ოკეანის ჩრდილოეთ ნაწილში მდებარეობს. 1898 წელს კუნძულები ანექსირებულ იქნა აშშ-ს მიერ, შტატის სტატუსი კი 1959 წელს მიიღო.

აშშ-ის შემადგენლობაშია ასევე ტერიტორიები წყნარ ოკეანესა და კარიბის ზღვაში: პუერტო-რიკო, ვირჯინიის კ-ბი, გუამა, აღმოსავლეთი სამოა.

ტერიტორიის უდიდესი ნაწილი ზომიერ და სუბტროპიკულ კლიმატურ სარტყელში მდებარეობს, მხოლოდ ჰავაი და ფლორიდის სამხრეთი ნაწილია ტროპიკულ სარტყელში მოქცეული. ალასკაზე ზომიერი და სუბარქტიკული სარტყელი ვრცელდება.

ტერიტორიის უდიდესი ნაწილი ჰიდროგრაფიული ქსელის სიხშირით ხასიათდება. ქვეყნის უგრძესი მდინარეა მისისიპი მისურით.

აშშ-ში 58 დაცული ტერიტორია – ეროვნული პარკია. პირველი ეროვნული პარკი, იელოუსტოუნი, პრეზიდენტმა ულისე გრანტმა 1872 წელს კანონით დაამტკიცა.

მოსახლეობა:

აშშ მოსახლეობის რაოდენობით მესამე ქვეყანაა მსოფლიოში.

აშშ-მოსახლეობა

აშშ-მოსახლეობა

ეროვნული შემადგენლობის სტრუქტურა მრავალფეროვანია. უდიდეს ბირთვს ქმნიან ევროპის ქვეყნებიდან ჩამოსული მოსახლეობის შთამომავალნი. მათი უდიდესი ნაწილი ქრისტიანია, ჭარბობს პროტესტანტები.

აშშ მაღალურბანიზებული ქვეყანაა, მოსახლეობის 82 % ცხოვრობს ქალაქებში, რომელთაც სათავეში მრავალმილიონიანი ნიუ-იორკი უდგას. აშშ-ის ტერიტორიაზე სამი უმსხვილესი მეგაპოლისი ჩამოყალიბდა: ბოს-ვაში (ბოსტონიდან-ვაშინგტონამდე), ჩი-პიტსი (ჩიკაგოდან-პიტსბურგამდე) და სან-სანი (სან-ფრანცისკოდან – სან-დიეგომდე).

აშშ-ის სახელმწიფოებრივი წყობა:

აშშ თანამედროვე მსოფლიოს ერთადერთი სუპერსახელმწიფოა თავისი ეკონომიკური, პოლიტიკური და სამხედრო პოტენციალით. აშშ მსოფლიოს პოლიტიკურ რუკაზე 1776 წელს გაჩნდა. 1945 წლიდან იგი ბირთვული ქვეყანაა. ასევე გაეროს უშიშროების საბჭოს მუდმივი წევრი და ნატოს ლიდერი სახელმწიფოა.

ქვეყანაში მსოფლიოში ერთ-ერთი უძველესი, 1787 წელს მიღებული კონსტიტუცია მოქმედებს. შესაბამისად მთავრობის მეთაურია პრეზიდენტი, საკანონმდებლო ხელისუფლება კონგრესის ხელშია. 4 ივლისი ქვეყნის ეროვნული დღესასწაულია.

პოლიტიკურ-ადმინისტრაციული თვალსაზრისით, ქვეყანა 50 შტატისა და ერთი ფედერალური რაიონისგან (კოლუმბიის რაიონი, სადაც მდებარეობს ქვეყნის დედაქალაქი ვაშინგტონი) შეგდება.

ეკონომიკა:

მშპ-ს მასშტაბებით აშშ პირველი სახელმწიფოა მსოფლიოში. მისი მოცულობით იგი ევროკავშირის “დიდ ოთხეულს” აღემატება, ხოლო მშპ-ის ერთ სულ მოსახლეზე გაანგარიშებით მსოფლიოს პირველ 15 ქვეყნის სიაში შედის.

აშშ-ის ეკონომიკის უმსხვილესი დარგია მომსახურების სფერო, მრავალფეროვანი მრეწველობა და მძლავრი აგრობიზნესი.

აშშ-ში მზადდება ყველა სახის იარაღი, დაწყებული საკონტინენტთაშორისო რაკეტებიდან – დამთავრებული ავტომატებით.

ვაშინგტონი:

ვაშინგტონი კოლუმგიის რაიონში მდ. პოტომაკზე მდებარეობს. ქალაქის ისტორია 1783 წლიდან იწყება, როცა კონტინენტურმა კონგრესმა ფედერალური დედაქალაქის შექმნის შესახებ გადაწყვეტილება მიიღო. რვა წლის შემდეგ კი ჯ. ვაშინგტონმა პირადად აარჩია ტერიტორია დედაქალაქის მშენებლობისთის. 1800 წელს მთავრობა ოფიციალურად გადავიდა ვაშინგტონში.

ქალაქის ძირითადი არქიტექტურული იერსახის დაგეგმარება ფრანგ არქიტექტორ ლანფანს ეკუთვნის.

გამოყენებული ლიტერატურა:

1. ბლიაძე მაია, ჭანტურია გია, დავით კერესელიძე. “გეოგრაფია – თეორიული კურსი აბიტურიენტებისათვის”. ბაკურ სულაკაურის გამომცემლობა. 2013 წ.

2. მსოფლიოს ქვეყნები ფართობის მიხედვით

თქვენი online რეპეტიტორი

[adblockingdetector id="59e92bb7c3879"]